كلنا مناهضين لي قيام السد شعر علي العقيد
الشاعر علي العقيد لسان حال اهله في باوقة حمد اللمين..يجدد الرفض القاطع لقيام سد الشريك في قصيدته المعبره :
.
يابلادي سلام ياوطن ممتد
كلنا مناهضين لقيام السد
في ديارو سعود السلام بالخد
لي دمار الناس كيف تختلك يد
يابلادي سلام ياوطن ممتد
دبروا الخطه ويبسو المشروع
والبلد ضاقت جات سنين الجوع
المصيبه كمان الوطن مبيوع
بالمهج نفديك ليك حمايه وصد
يابلادي سلام ياوطن ممتد
مجرد الإحساس داير يبيع ارضو
ناسي اظنو عديل أرضو زي عرضو
نضفو النيه والضمير برضو
الحماس ينساب فينا يتجدد
يابلادي سلام ياوطن ممتد
غرقوها بلاد وسو بيها قصور
كان قريب حاصل فوق ديار منصور
النخيل شرقان مويتو للصنصور
الجميع حزنان والدموع فوق خد
يابلادي سلام ياوطن ممتد
احسن التمويل يبقي في زراعه
اكيد يعم الخير أقل من ساعه
المركب السابحه كسرتو ليشراعه
في اللجج والموج والجروف تنهد
ويابلادي سلام ياوطن ممتد
الكهارب دي ياخي ما استثمار
ديمه مقطوعه والنهار في نار
بعزقتو للبترول ودرتو فعل العار
مشرد التهجير يلقي وين مرقد
ويابلادي سلام ياوطن ممتد
..
تعليقات
إرسال تعليق