من روائع الرائع الشاعر بيتاي ود الضو
من روائع الرائع الشاعر بيتاي ود الضو ..
اكثر المجيدين في شعر المسادير والدوبيت بين شعراء جيله ..
وعندما يكتب فهو يقدم السهل الممتنع ..
.
.
ﺣﻠﻤﻴﻦ ﺍﻟﻌﻴﻮﻥ ﺻﺎﺭﻥ ﻣﻌﺎﻫﻦ ﺗﻮﻣﻬﻦ
ﺍﻟﻠﺤﻈﻪ ﺍﻟﺘﺸﻮﻓﻚ ﻭﺇﺳﺘﻌﺎﺩﻩ ﻧﻮﻣﻬﻦ
ﺣﻈﻮﻇﻲ ﺍﻟﺪﻳﻤﻪ ﻭﺍﻓﺮ ﻓﻲ ﺍﻟﻤﻘﺎﻟﺐ ﻛﻮﻣﻬﻦ
ﺍﻳﺎﻫﻦ ﻣﻌﺎﻧﺎﺗﻲ ﻭﺷﻘﺎﻱ ﻣﻦ ﻳﻮﻣﻬﻦ
ﻇﺮﻭﻑ ﺍﻟﺪﻧﻴﺎ ﻭﺍﻟﺠﺮﻱ ﻓﻲ ﺳﺒﻴﻞ ﺍﻋﻤﺎﻟﻨﺎ
ﻣﻦ ﺩﻭﻥ ﻧﺤﻨﺎ ﻧﻘﺼﺪ ﻣﻦ ﻣﺤﻴﻄﻜﻢ ﺷﺎﻟﻨﺎ
ﻳﺎ ﺍﻟﻴﻜﻢ ﻣﻌﺰﻩ ﻭﺷﻮﻕ ﻣﺒﺸﺘﻦ ﺣﺎﻟﻨﺎ
ﻏﺒﺘﻮ ﻋﻦ ﺍﻟﻌﻴﻮﻥ ﻟﻜﻨﻜﻢ ﻓﻲ ﺑﺎﻟﻨﺎ
ﻏﻴﺮ ﺍﻟﺸﻔﺘﻮ ﻓﻴﻚ ﺗﺎﻧﻲ ﺍﻟﻌﻴﻮﻥ ﺗﻌﻤﻴﻬﺎ
ﻣﺎﺷﺎﻓﺖ ﻣﺤﺎﺳﻨﺎ ﻓﻲ ﺍﻟﻐﺮﺍﻡ ﺗﺮﻣﻴﻬﺎ
ﻳﺎ ﺍﻟﺤﺴﻨﻚ ﻣﺴﻤﺢ ﻟﻠﺤﺮﻭﻑ ﻧﻀﻤﻴﻬﺎ
ﺩﻱ ﺑﺪﺍﻳﻪ ﺻﺪﻭﺩﻙ ﻭﻻ ﻣﺎﻧﺴﻤﻴﻬﺎ
ﻋﻦ ﺍﻟﺤﺎﻟﻪ ﻫﺎ ﺍﻻﻳﺎﻡ ﻭﻭﺿﻌﻲ ﺍﻟﺮﺍﻫﻦ
ﺣﻴﺎﺗﻲ ﺭﻫﻴﻨﻪ ﻓﻲ ﻋﻴﻮﻥ ﺍﻟﻌﻠﻴﻬﻮ ﺑﺮﺍﻫﻦ
ﻣﺸﺎﻋﺮﻱ ﺍﻟﻔﺘﺸﻦ ﺩﺭﺏ ﺍﻟﺸﻘﺎﻭﻩ ﺑﺮﺍﻫﻦ
ﻗﺪﺍﻣﻬﻦ ﻓﺮﺍﻗــــــــﻚ ﻭﺍﻟﻘﻴﺎﻣﻪ ﻭﺭﺍﻫﻦ
ﻭ ﻋﺎﺭﻑ ﻋﻴﻮﻧﻚ ﻛﻞ ﻣﺎ ﺗﻮﺍﺟﻬﻨﻲ
ﺑﻤﺴﻜﻨﻲ ﺍﻟﺘﻮﺗﺮ ﻭﺍﻟﺸﺮﻭﺩ ﺍﻟﺬﻫﻨﻲ
ﺑﻐﺎﺯﻝ ﻓﻴﻬﺎ ﻏﺎﻳﺐ ﻭﺣﺴﻨﻬﺎ ﻣﺘﻮﻫﻨﻲ
ﻻﻣﻦ ﺩﻭﻥ ﻣﺒﺎﻟﻐﻪ ﺩﻣﻌﺘﻲ ﺗﻨﺒﻬﻨﻲ
ﻛﺘﻴﺮ ﺣﺎﻭﻟﺖ ﺍﺧﺎﺻﻤﻚ ﻭﺍﺣﺘﺒﺲ ﺩﻣﻌﺎﺗﻲ
ﺍﻻ ﺍﻟﺰﻛﺮﻩ ﺗﻴﺎﺭﻫﺎ ﺍﻟﺒﺼﺎﺭﻉ ﻋﺎﺗﻲ
ﻳﺎ ﺍﻟﻴﻚ ﺍﻋﺘﺮﺍﻑ ﺭﻓﻊ ﺍﻟﺤﻨﻴﻦ ﻟﻮﻋﺎﺗﻲ
ﺍﻧﺘﻲ ﻓﺮﺍﻗﻚ ﺍﺣﺰﺍﻥ ﺍﺑﺘﻠﺖ ﺳﺎﻋﺎﺗﻲ
ﻳﺎ ﺍﻟﺪﺍﺋﻤﺎ ﻋﻴﻮﻧﻚ ﺣﺒﻬﻦ ﺻﺎﺭﻋﻨﺎ
ﻣﺎﻙ ﻋﺎﺭﻑ ﺩﻻﻟﻚ ﻓﻲ ﻫﻮﺍﻙ ﺩﺍﺭﻋﻨﺎ
ﻳﺎ ﺍﻟﻤﻨﻚ ﻭﻗﻒ ﻗﺪﺭ ﺍﻟﺰﻣﺎﻥ ﻗﺎﺭﻋﻨﺎ
ﺭﺍﺡ ﺯﻣﻦ ﺍﻟﺘﻮﺍﺻﻞ ﻭﺍﺧﺘﻠﻒ ﺷﺎﺭﻋﻨﺎ
ﻓﺘﺮﻩ ﻃﻮﻳﻠﻪ ﻳﺎ ﺍﻟﺤﺎﺭﻗﻪ ﺍﻟﺼﺒﺎﺑﻪ ﻭﻟﻮﻓﻚ
ﻻ ﺍﺳﻤﻚ ﻇﻬﺮﻟﻲ ﻭﻻ ﺍﻟﻌﻴﻮﻥ ﺑﺘﺸﻮﻓﻚ
ﻳﺎ ﺍﻟﺸﺎﻟﺖ ﺟﻤﺎﻝ ﻛﻞ ﺍﻟﻤﻌﺎﻧﻲ ﺣﺮﻭﻓﻚ
ﺍﺳﺒﺎﺏ ﺧﺎﺻﻪ ﻏﻴﺒﺘﻚ ﻭﻻ ﻫﻲ ﻇﺮﻭﻓﻚ
ﺍﺳﻠﺤﻪ ﺍﻟﻤﺤﺎﺭﺏ ﻛﻠﻬﺎ ﺍﺳﺘﻌﻤﻠﻬﺎ
ﻏﻴﺮ ﻣﺎ ﺍﻗﻮﻝ ﺑﺤﺒﻚ ﺣﺎﺟﻪ ﻣﺎ ﺑﻌﻤﻠﻬﺎ
ﻟﻮ ﻗﻠﺒﻚ ﻧﺴﺎﻧﻲ ﻭﺍﻟﻤﻮﺩﻩ ﺍﻫﻤﻠﻬﺎ
ﺍﻧﺖ ﺍﻳﺎ ﻣﻲ ﻧﻮﺭﻫﺎ ﻭﺑﺼﺮﺍﺣﻪ ﺍﺟﻤﻠﻬﺎ
ﻳﺎ ﻣﻦ ﻛﻨﺖ ﺍﻟﻬﺎﻣﻲ ﻭﻣﻼﺫﻱ ﺍﻟﺪﺍﻓﻲ
ﻣﺎﺩﺍﻡ ﺍﻧﺖ ﻏﺎﻳﺐ ﻛﻴﻒ ﺍﻛﻮﻥ ﻣﺘﻌﺎﻓﻲ
ﺍﻟﻬﻢ ﺍﻟﺘﻘﻮﻝ ﻣﻨﻮ ﺍﻟﺠﺒﺎﻝ ﻳﺎ ﻛﺎﻓﻲ
ﻓﻲ ﻭﺻﺎﻟﻚ ﺑﻔﻜﺮ ﻭﺷﺎﻳﻠﻮ ﻓﻮﻕ ﺍﻛﺘﺎﻓﻲ
ﻓﺮﺍﻗﻚ ﻳﺎ ﺍﻟﺠﻤﺎﻝ ﻣﻮ ﺻﻨﻊ ﺑﺘﺄﻟﻒ
ﺩﻓﻌﺖ ﺿﺮﻳﺒﺘﻮ ﻓﻲ ﺍﻻﺣﺬﺍﻥ ﻗﺪﺭ ﻣﺎﻛﻠﻒ
ﻳﺎ ﻣﻦ ﻛﻨﺖ ﺑﺎﻻﺧﻼﺹ ﺩﻭﺍﻡ ﺗﺘﺤﻠﻒ
ﻗﻠﺒﻚ ﻓﻲ ﺍﻟﻌﻬﻮﺩ ﻭﻻ ﺍﺳﺘﻘﺎﻝ ﻭﺍﺗﺨﻠﻒ
ﻏﺮﺍﻣﻚ ﻳﺎ ﺍﻟﻤﺤﺎﺳﻨﻚ ﻣﺎﻓﻲ ﺭﺍﻭﻱ ﻧﺴﺨﻪ
ﺍﻋﻈﻢ ﺯﻛﺮﻩ ﻓﻲ ﻋﻤﺮﻱ ﺍﻟﺰﻣﺎﻥ ﺭﺳﺨﻪ
ﺍﻟﻤﻦ ﻓﺮﻗﻮ ﺍﺻﻔﺎﺣﻲ ﺍﻟﻤﻠﻴﻞ ﻓﺴﺨﻪ
ﻭﻟﻔﻲ ﻋﻠﻴﻬﻮ ﺳﻤﻢ ﺩﻧﻴﺘﻲ ﻭﻣﺴﺨﻪ
ﻛﻼﻡ ﺍﻟﺮﻳﺪﻩ ﻭﺍﻟﺰﻣﻦ ﺍﻟﻠﻘﻴﻨﺎ ﻣﺠﺎﻟﻮ
ﻓﻲ ﺫﺍﻛﺮﻩ ﺩﻣﺎﻏﻚ ﻭﻻ ﺷﺎﻟﻮ ﺍﻟﺸﺎﻟﻮ
.ﺻﺤﻴﺢ ﺍﻟﻤﺪﻩ ﻃﺎﻟﺖ ﻭﺍﻟﻌﻮﺍﺯﻝ ﻗﺎﻟﻮ
ﻻﻛﻴﻦ ﻋﻨﺪﻱ ﻗﺪﺭﻙ ﻣﺎ ﻧﻘﺺ ﻓﻲ ﺣﺎﻟﻮ
ﻋﻦ ﺣﺠﻢ ﺍﻟﻤﺸﺎﻛﻞ ﻣﻦ ﻭﺭﺍﻙ ﻭﺇﺻﺎﺑﺘﻲ
ﻣﺎﺗﺴﺄﻟﻨﻲ ﺗﺎﻧﻲ ﻭﺍﻧﺖ ﻋﺎﺭﻑ ﺇﺟﺎﺑﺘﻲ
ﻳﺎ ﺍﻻﺳﻤﻚ ﺑﻨﻮﺭ ﻓﻲ ﺳﻄﻮﺭﻫﺎ ﻛﺘﺎﺑﺘﻲ
ﺷﻮﻗﻚ ﻭﺍﻟﺤﻨﻴﻦ ﺍﺑﻜﻦ ﻟﻴﺎﻟﻲ ﺻﺒﺎﺑﺘﻲ
ﻣﺎ ﺫﻧﺐ ﺍﻟﺨﻮﺍﻃﺮ ﻓﻲ ﻧﺰﺍﻉ ﻳﻮﻣﺎﺗﻲ
ﺑﻴﻦ ﺟﺮﺡ ﺍﻟﻌﻮﺍﻃﻒ ﻭﺍﻟﺸﻌﻮﺭ ﺍﻟﺬﺍﺗﻲ
ﺍﺭﺟﻮﻙ ﺍﻧﺖ ﺟﺎﻭﺏ ﻭﺍﻟﺴﺆﺍﻝ ﻛﺄﻻﺗﻲ
ﻭﻳﻦ ﻣﻮﻗﻒ ﻣﺸﺎﻋﺮﻙ ﻣﻦ ﺣﺰﻳﻦ ﻟﺤﻈﺎﺗﻲ
ﺍﻏﺮﺏ ﺣﺎﺟﻪ ﻓﻴﻚ ﻳﺎ ﺍﻟﺼﺪ ﻋﻴﻮﻧﻚ ﺳﺎﻟﻔﻪ
ﺗﻌﻤﻞ ﻟﻲ ﺍﻟﺒﺮﻳﺪﻙ ﻛﻞ ﺣﺎﺟﻪ ﻣﺨﺎﻟﻔﻪ
ﺍﻟﺮﻭﺡ ﺍﻟﻌﻠﻴﻚ ﻳﺎ ﺳﻴﺪ ﻫﻮﺍﻫﺎ ﻣﻮﺍﻟﻔﻪ
ﻗﺎﻟﺖ ﺭﻏﻢ ﻇﻠﻤﻚ ﻣﺎﺑﺘﺨﻮﻧﻚ ﺣﺎﻟﻔﻪ
تعليقات
إرسال تعليق