بقاي يهجو حاتم الياس موسي

الشاعر بقاي يهجو الاستاذ حاتم الياس موسي المحامي  Hatim Elyas   بقصيدة انشرها مع الاعتذار للوالد المربي الجليل الياس موسي والاخ طارق الياس الذين نعتز ونفتخر بهم. فهم من قاماتنا الشامخة ..اما الوغد حاتم المنبهر بإضواء المدن وبهرجتها والمتنكر لحياة الريف حيث مسقط راسه و مرتع اجداده  فقد استحق  ان ينال درساً من شاعرنا بقاي في قيم هذه الحياة وما تحويه من معاني 

أنوار المدن وذيفه وضلال وريبه ..

ما بتشغل فؤاد الباوقة ليهو حبيبه..  

مكتول النضار وحسن الجوار والطيبة..

مابتغويهو خضراء الدمن بي طيبة ..

 خرطوم السجم بالشوم زحمة وحياته كئيبة ..

لخمة ونفاق ولصوص ضجة وليالي رتيبة..

مقهورة مابترتاح  مسعورة حاضنة غريبة ..

مقبورة بالاتراح مسحورة ماها نجيبة ..

العيشة فيها تطير عيشة السجم والريبة.. 

ممحوقة ماها قنوع مشروكة ماها خصيبة ..

زي كلبة الدكان مافات جراها حليبه ..

  نحنا ولاد بدو والبادية نبع الطيبة.. 

نفخر بالبداوة وهات ياهوين عيبه..

عربان بنرعي الضأن لكن نفوسنا اديبه ..

ولي كرمة الضيفان سكينا ديمه قريبه..

وعن نجدة الدركان واقفين وقوف السيبة ..

وشيمتنا الكرم نافلة وفروض ورقيبة..

حنكة وقوامه وراي شافعنا متوضيبه.. 

ماهو المدلع وعر ماهو الرخص ترطيبة ..

نسمات البوادي وحنكته وتاديبة.. 

زرعت فى نفوسنا الطيب وقيما صعب ترتيبه..

وافرين في السماح وأيضا قلوبنا لبيبه..

وان دارنا الكتال نمرق نفوسنا ضريبة.. 

سمحين وكت نهواك وشينين غضبنا مصيبة.. 

الياس أبوك تمساح ليو في المجالس نيبة ..

حلال للعوج خابر سوالف الطيبة.. 

كم عمر مساجد ودور لا دار مديح لا شكرة ..

 هيلو العدل والرأي هيلو السماح والفكرة...

معروف في العروض في الحكمة طيب ذكري..

مشهودلو في الفرقان من شب هيلو الضكرة ..

 يستقبل الضيفان مبسوط وناحر البكرة ..

سماك حاتم طي لكن هزمت الفكرة..

في سالفو ماسويت عشر العشر في الشهرة..

إلا المثل بي يقول في المشية سمحة العترة..

تابع طريق والديك ودرب السوالف ابري..