الشاعر جعفر عبدالباقي الرحيمابي يرثى فقيد الشباب عبدالله ختم
شعر : جعفر عبدالباقي الرحيمابي
.
في رثاء فقيد شباب الباوقه عبدالله ختم
ياليل طويت الامنيات
والضحكة مالقت الامان
الدمعه فاضت في العيون
والغصه في حلق الكيان
والحسره ياغابر غناي
موشومة في وجه الحسان
تبكيك طيور الامنيات
ياناصع القلب الملان
شفعنا والطير الامين
زفوك لحور الجنان
تبكيك قلوبنا الفيك لقت
سر التوادد والامان
وين ماشي ياسمح الوجود
فايتنا في درك الهوان
وين راحي يا ادب الخصال
سايبنا وين لي دا الزمان
ارواحنا تتنشربك حسار
وحدتنا تنفرتك دخان
قيل معانا عليك بكاي
جبر قلوبنا من النحيب
صبر عيونا الليل طويل
طمنا يا انبل حبيب
ورينا وين نتلم وراك
حين قهوة الموعد تجيب
حين نلقي اترك في المزاج
كلمنا وين منك نغيب
نندسي وين من طلتك
من ضحكتك يابال رحيب
عبدالله ياكيف الرفاق
يازفة الوعد الحليب
وين ماشي يا طعم الامان
كيف نمسي دونك يالبيب
خليتنا في حمي الضهاب
سامحنا يا اروع حبيب
واتهنئ انعم في الجنان
جوانا شمسك ما بتغيب.
16/4/2017
..
تعليقات
إرسال تعليق