اتاري الدنيا بي خيره بقلم الاستاذ يوسف محمد عمر
اتاري الدنيا بي خيره
غنانا
نسيج وحده
قلبي ياطيب
؛؛؛؛؛
ربما لايستطيع الا متخصص تحسس اللونيه الفريده التي تتميز بها ثقافه منطقتنا نحن الرباطاب والتي تنتهي عندها حدود الجعليون شمالا والمناصير جنوبا..والشعر دائما مايختزل فطريقه الوزن والكلمات هي جغرافيا..فالمنطقه لطبيعتها الخضره المحصوره بين صحراء,العتباي شرقا وبيوضه غربا جعلت هذه الطبيعه الموحيه من انسان تلك المنطقه انسان يتكيف مع تلك البيئه وتحس هذه الرشاقه في اغانينا
دعونا نقف اليوم مع تجربه رائعه هي تجربه ةستاذنا السر الماحي ابن قريه ندي وهي مرقد جدي,لامي (الفكي محمد ودالحاج سعد)..ولذا تجد في اشعارهم ذلك النفس الصوفي..استاذ,السر هو صديق حميم لاستاذنا والاديب الاريب واكثر من يعرف عن تاريخ الادب بةلمنطقه استاذنا عطا الطاهر Alshareef Mohammed
والاجمل ماف في قصائد استاذ السر تلك الطريقه الجميله في القاء القصيده بلكنتنا اهلي الرباطاب التي نأكل فيها الحرف الاخير (اختصا)..اترككم مع السر الماحي في اغنيه الاستاذ نور الجلال من الرباطاب وعائش وحدي في حيره لعبد الواحد""""""
********
قلبي ياطيب
من زمن عيان
انتا ماك طيب
؛؛؛؛
ديمه ياقلبي
ديمه انتا تئن
كيف حياتي معاك
انا خلاص داجن
راجي انتا تتوب
برضي اقول يمكن
وانتا قلتا خلاص
جنبي مابتسكن
؛؛؛؛
في رجا المحبوب
العمر ولي
وانتا فوق نارك
ديمه تتقلا
قصدو يلعب بيك
وقصدو يتسلا
دا النسا العشره
وريدو ليك ولا
؛؛؛
بشكي ياقلبي
بشكي واتظلم
بشكي زولا عاد
عليا ماسلم
ماهو طاري الريد
قلبو ما اتألم
اريتك انتاتتوب
ومنو تتعلم
؛؛؛؛؛
انسي ياقلبي
والنساك سيبو
انسي للماضي
وتاني ماتجيبو
عوضك الآهه
ونفحه من طيبو
القدر مكتوب
وسيدو بيصيبو
؛؛؛
ديمه ياقلبي
تجري سايله دماك
وانتا في الآلام
برضو ماهماك
بسأل المولي
ربي يتولاك
يشفي جرحك دا
يالفقدتا مناك
؛؛؛؛؛؛؛؛
السر الماحي
الجيل الذي لن يتكرر
؛؛؛؛؛
ونحن ماذلنا في محراب السر ابن الرباطاب الذي عصفت به رياح المقدور والتنقلات للاساتذه في قري نهر النيل..حيث ذهب السر الي خليوه ليعمل استاذ بعطبره...وكان الحب حينها تصله الكلمات حين يعجز البوح بالكلام..فكانت (الشواكيش)تولد ادبا راقيا ظل خالدا كما المزامير لانه شعر منظوم بحب
هذه قصيده نظمها استاذنا السر الذي خرج لتوه من هكذا شاكوش وبأبتسامه علي قارعه الطريق ولدت قصيده..يتغني بها ود مديني ليطيها حياتا اخري بصوته الشجي الذي لايصدأ...فالغنا لم تكن فيه (كتمه كتمه كتمه)ولا زنق...كان ادبا راقيا يحق ان يدرس لمافيه معاني ساميه...
حلااااتك وانتي لابسه التوب
اترككم مع (عائش وحدي في حيره)
********
عائش وحدي في حيره
واتاري الدنيا بي خيره
؛؛؛؛
تاري فه ناس,قلوبها حنان
دوام بتخفف الاحزان
وتكفكف لي دموع غيره
؛؛؛؛؛؛
كتير الزيي في الغربه
مقاسي الفرقه والحرمان
مساهر ليلو يتذكر
ركب في قارب الاحزان
؛؛؛؛؛
وفجأه يطل عليهو صباح
ينسيهو الحصل والكان
تعود البسمه لي شفتيو
ويشعر دوبو انو انسان
؛؛؛؛؛
تاريك انتي يادنيا
لسه فيك ناس طيبين
عامره قلوبها حنيه
وتمد ايديها للمسكين
تنور بالفرح دربو
وتزيد في عمرو تاني سنين
أه ه يادنيا تاريكي
لسع فيك ناس حلوين
؛؛؛؛
خلاص ياعيوني ماتبكي
وانسي الغربه واحزانها
مدام في الدنيا لسه قلوب
حنان بالرحمه مليانه
؛؛؛؛؛؛
مدام في الدنيا لسه عيون
كعاك من بدري سهرانه
شايله الريد وكاتماهو
ابت ماتبوحبو خجلانه
؛؛؛؛
حلاااتك وانتي لابسه التوب
ملاك بس ماكي انسانه
وعيوني معاك مابتغفل
تغير من نفسي زعلانه
؛؛؛؛؛؛
بس ورينا بي اسمك
وين بي تقري يافلانه
عشان تقوا الصله البينا
ونشيد ليها اركانا
؛؛؛؛
واتاري الدنيا بي خيره
يوسف محمد فتوار
الصوره تجمع الاخ عبد الواحد مديني السليمانيه وعطا من مبيريكه الطاهر صديق السر الماحي..وشخصي الضعيف وحديث عن ادب السر
تعليقات
إرسال تعليق