الباوقة أم زهور كلمات الشاعر ودعيسى
الباوقة أم زهور كلمات الشاعر ودعيسي(المسيد بالقرب من كدباس)
ألحان وغناء الفنان المرحوم سيد الجعلي(الفريخة شمال بربر)
(هذه الأغنية مسجلة في الأذاعة السودانية و التلفزيون القومي)بصوت سيد الجعلي:
طال الشوق عليك يا الباوقة أم زهور
جنة الفردوس السكانة حور
نيتي اليوم أقوم للحبان أزور
أعدي بالبنطون وأمرق في أم زهور
أبدل الأحزان بالهناء والسرور
غنت الأفراح القمري والعصفور
عند القيف وقف هللت ومشيت
ساير بالطريق وبالحواشة جيت
جرحني الغرام لي زول ما أشتكيت
هب لي نسيم زي ناس قيس بقيت
ماشي بالخطوات المشوار طويل
في ظل الجناين في كبد النخيل
شفت الدوم ظهر أجمل من جميل
عادني الحنين والشوق القبيل
من الدوم وقف لي حلة نوير
قدامي الجرانيس مفروشة الحرير
أهل السلطنة والحكم الكبير
ماترجع كفاك يا قلبي اصطبير
لفيت المخازن في تيها ودلال
قدامي الجرانيس زي جنة بلال
في المشتل دخل عشت مع الخيال
هب لي شوق دمع الفرقة سال
ودعت الجرانيس كاملات الوصوف
الباوقة ام نخيل حرمآ لليطوف
ما نيتي الفراق لكن الظروف
كل أسباب أزاي ستين بالحروف
قال الراوي ودع دمع الفرقة سال
بالحياء والحنين غني وقال وقال
الحب الشريف والريد الحلال
في باوقة حمد عاصمة الشمال
13 اكتوبر
تعليقات
إرسال تعليق