ياسلام يانيل ،شعر علي العقيد
ياسلام يانيل
كلمات ابن الباوقة علي العقيد
اداء البشري جاد السيد
يـــــــــاسلام يانيل
_
ياسلام يانيل انت زاهي جميل
تسقي في البلدان باقي ليها دليل
شجرك المخضر مافي زيو مثيل
مسرح الاطيار في الصباح واصيل
انت نبض الروح فيها اتملك
الانبياء الصالحين بيهم اتبرك
من الجنوب دافر للشمال حرك
البلد هيلك فيها تقدل مك
اللبيب قال فيك غفه غنالك
في سماء التاريخ الذكري تبقالك
ياحبيب الروح انت شن جالك
فيك طباع الزول ينقلب حالك
ماكت قبيل طيب وهابي نسامك
فوق ضفاف اخضر راسم احلامك
ماغريب يانيل يرمي هدامك
العكر شيطان مبداء اقدامك
في الشراد ترجع لمه تتاسف
تنحسر مويتك شبه تتوقف
ماعليك اللوم دام سقيت ورف
تهدي لينا الصيد الحلال دون صرف
القمر من فوق ليكا يندله
النجوم بالليل فيك تتجله
انت اعظم شئ ياحبيب والله
تفرح المحزون ان عليك طله
تعليقات
إرسال تعليق