إلهام الخراب جعفر عبدالباقي الرحيمابي
إلهام الخراب ..
شعر : جعفر عبدالباقي الرحيمابي.
لاقيته في أقصي التواه
حوريه في تيبان سحر
غراني في تيهه النضار
هللتا والخاطر سكر
نقتني من شعري الحلال
صلتني في الواقع جهر
قصيته لي آخر نهار
داستني بالموت البكر
لفيته بي طرقة سهاد
عبتني بارود من شعر
غنيتا بي ريحة الحنوط
كحلتها اوراق السدر
زفيته لي اقصي القبور
في سابع أعماق السبر
سميته إلهام الخراب
خبيته والخاطر نطر
باريته وانده في القباب
جبريل نبي ألله الخضر
ناديته بالحس الرحيم
اتحمي من لون التبر
نادتني من خلف الخداع
ملخومه زي دمي العكر
وانا منها اتعريت زمان
ومنها اتعري الفكر
لفيته بين الادمين
في أدني نبرات الحبر
ورميته في درب الجياع
لقمة من فك الوتر
تلت الليالي المهملات
صريته في حفنة عطر
غطيته بي توب الانين
والرحمة والهام الزكر
وقفلت باب الذكريات
ولبختو بي شوك الكتر
شان تاني ما اتاوق هواك
في دربك الحاصل ودر
علمتها النوم التقيل
صحتني من فجرا بكر
ورتني نجمات النهار
ما عذرت الشيب والكبر
وريته في الليل الشموس
وما كنت في الأول مصر
لكن بعد ريح الغروب
نشف لهاتي من الحبر
وكتفي من تقل الخداع
انقص واتعسم وخدر
مرقتا بي صفر اليدين
وبستاني إينع بالصفر
رميته زي لوح القزاز
فوق صخرة العمر الودر
إتبعثرت حبات طشاش
انشتتت ذرات حبر
مطلع مارس
القصيدة مهداة لمجموعة ينابيع النغم والجمال
حصريا
تحياتي وعميق محبتي
الرحيمابي. .
تعليقات
إرسال تعليق