مليل الذكري ، جعفر عبدالباقي الرحيمابي
مليل الذكري..
طل علينا لو
فد مرة في الزمن
الغفل.،،
قاعدين ترانا وراء الرهاب
والدمعة شاخت
في البقل ،،
غنواتنا ساحن في السموم
وايامنا دابن
في الغسل،،،
ياحسرة الزمن الهواك
ما الباقي من
حسك جعل ،،
مبقوص من الوجع القديم
ممحوقة لحظات
النزل ،،
ممغوصة ايام ابتلاك
اشباها
ايات
الرسل ،،
مبزومة ايامك رحيق
محزومة في
اقصي
الحنين ،،
منظومة زي روعة
لقاك
مسقية من عرق
الجبين،،
شفعنا ياسابل
عزاي
اتواروا مابين
الانين،،
انضاروا في
زمن الكفاف
زمن المعونات
اللعين،،
زمن الدسائس
والمغوص
راعينا رب
العالمين،،
في الماضي
رايعات الشهور
بالزيفة مخضرة
السنين ،،
والدنيا جنبك همبريب
والناس شداد
و مقيلين.،،
والقهوة في ضل الزمان
سر بسمتك
عبر الاديم ،،
كان الجمال دغري وريف
كان التحانن
مستقيم ،،
واجمل حروف القول وضوح
القمراء
والكاس
والنديم ،،
والنيل ملامحو مع الضفاف
في الفة
من فجر
النعيم ،،
في بالو والايام خدر
لون الجروف
للود
حميم ،،
ساعة البنيات السمر
يردن من الفرح
العظيم،،
انت بتسبح في جواك
متملفح النيل
إرتياح
متهندم
القلب
الرحيم،،
داروني متلك
ما بقيت
لجوني فكرك
في
الهديم،،
ماببقي متلك
في الرياح
وين القي
حيلك
للخصيم،،
جبرني لو شايف
صداي
اديني من
صبرك
نسيم،،
فايتني فرضك
في الشهور
مارقني
للحاصل
لئيم،،
حسك دبر
صبر الضهور
الشايله
زاد الود
حميم،،
مغروسة غنواتك
بروس
رويانة من حسك
نعيم،،
لازلت بينات الخلوق
فايتنا
بالكرم
الوسيم،،
لازلت محبوب الطيور
لازلت في البرزخ
كريم،،
.....
جعفر عبدالباقي
الرحيمابي...
تعليقات
إرسال تعليق