وعد المستحيل
هذه الصورة التقطتها صباح اليوم تقف شاهدة علي روعة لقاء العمالقة الذي جمع الفنان الفخيم يعقوب تاج السر وشاعرنا الجميل جعفر عبدالباقي الرحيمابي
قصيدة (وعد المستحيل) من ديوان (وحي الغروب)
شعر : جعفر عبدالباقي الرحيمابي
🍇🍇🍇🍇🍇🍇🍇🍇🍇
نور شدير البرتكان إينع زمان المستحيل،،
ماكنت متعشم لقاك يادهشة الحب الرحيل،،
يلقاكي في اخر الطريق إنسانك التائهه زليل،،
ودر بدايات الزمان صارع قسا الامل الهزيل،،
دودر غنيوات الوداد بهرج امانيهو الهديل،،
توه خطاويهو الضهاب شلهت اماسيهو الرحيل،،
تابع شعاعات السراب كملت حبال صبرو الجميل،،
لاقاكي خلف الامنيات ضماكي بالوعد الجزيل،،
إنسانك المصلوب يسوع انجيلو خلف الريح حفيف،،
في الذمة باﻻحقاب هواك طاويهو جوه الروح نزيف،،
راجيكي ياضوء الامان ياضجة الحسن المخيف،
يازفة اﻻرض البكر ليل دخلة الباهي الخريف،،
القاكي لو فرهد غناي أنشودة من عرق الرصيف،،
ﻻزلت والماضي العقيم والذكري والوجع العصيف،،
نتلاوي في اترك عيان دمعاتنا والوازع وصيف،،
ﻻزلت مرهون اليراع والدمعه والحب الشريف،،
نوار شدير البرتكان البكري حتاهو الخريف،،
والجاي من عمق الكيان نقاهو هيجان النزيف،،
والتنوه من بكري العقيق اشراقه والجاحظ كفيف،،
يهواها بالنظر القريب يرميها لو لافاهو طيف،،
ينساها والحب القديم يرويهو حتي نخاعو كيف،،
تعليقات
إرسال تعليق